მთავარისიახლეებიპოლიტიკა26 ოქტომბერს თბილისი ისევ იტყვის თავის ევროპულ სიტყვას - თინა ბოკუჩავა

26 ოქტომბერს თბილისი ისევ იტყვის თავის ევროპულ სიტყვას – თინა ბოკუჩავა

Published on

თბილისში, რიყის პარკში, მშვიდობის ხიდის გვერდით, “ერთიანი ნაციონალური მოძრაობის” თბილისის კამპანიის ღონისძიების – “კი ევროპას” გახსნის დროს სიტყვით გამოსვლისას “ერთიანი ნაციონალური მოძრაობის” თავმჯდომარემ თინა ბოკუჩავამ განაცხადა:

“მარტი-აპრილის აქციებზე რუსული კანონის წინააღმდეგ, თბილისმა, ახალგაზრდების განსაკუთრებული ენერგიით, მთელი მსოფლიო აალაპარაკა. ევროპელი ლიდერები აღფრთოვანებით ამბობდნენ, რომ ევროპის გული თბილისში ძგერს. თბილისმა მთელი მსოფლიოს გასაგონად კიდევ ერთხელ თქვა – კი ევროპას! იყო თბილისელი ნიშნავს იყო ევროპელი. თბილისი საკუთარი არსით და მულტიკულტურული მემკვიდრეობით წმინდა ევროპული ქალაქია – ეს არის ჩვენი ქალაქის ისტორიაც და მომავალიც.

თბილისი ყოველთვის იდგა ცვლილებების ავანგარდში. ვიცი, 26 ოქტომბერს ჩემი ქალაქი კიდევ ერთხელ იტყვის თავის ევროპულ სიტყვას.

პრეზიდენტმა სააკაშვილმა თბილისი აქცია ევროპის ყველაზე უსაფრთხო დედაქალაქად, განახორციელა თბილისის ინფრასტრუქტურული მოდერნიზაციის ყველაზე ამბიციური პროექტი და შექმნა თანამედროვე თბილისის ყველაზე მნიშვნელოვანი ღირსშესანიშნაობანი, პრეზიდენტმა სააკაშვილმა ზუსტად 15-ჯერ გაზარდა ტურისტების რაოდენობა თბილისში, გააოთხმაგა თბილისის ეკონომიკა, და საგანგაშო მაჩვენებელი სადაც ყოველი მეორე თბილისელი სიღარიბის ზღვარს მიღმა ცხოვრობდა შეამცირა 20%-მდე, თბილისი ამაყად მასპინძლობდა მსოფლიო ლიდერებს მაგრამ დღეს, თბილისი შესაძლებლობების ქალაქის, ნაცვლად სიღარიბის და უპერსპექტივობის ქალაქად იქცა.

26 ოქტომბერს ყველა თბილისელს გვაქვს არჩევანი: ევროპული კეთილდღეობა თუ სიღატაკე იზოლაციაში – გაღარიბებული თბილისელების ხარჯზე კორუფციით გამდიდრებული თბილისის მერი თუ ხალხის მიმართ ანგარიშვალდებული კოალიციური მთავრობა – დაკარგული ინვესტიციები თუ წვდომა 14 მილიარდიან ევროკავშირის გაწევრიანების ფონდზე, – 14 მილიარდი, რომლითაც თბილისში ავაშენებთ სკოლებს და საბავშვო ბაღებს, საერთო საცხოვრებლებს სტუდენტებისთვის – 14 მილიარდი ეკოლოგიური პროექტებისთვის, პარკების და სპორტული კომპლექსებისთვის – 14 მილიარდი შემოვლითი რკინიგზის გზისთვის, რათა თბილისელები ნახევარ ცხოვრებას საცობებში არ ატარებდნენ – 14 მილიარდი ევროპული კეთილდღეობისთვის, რომელიც ერთი ხელის გაწვდენაზეა მჯერა, თბილისი თავის ევროპულ არჩევანს ამაყად გააკეთებს 26 ოქტომბრის ისტორიულ არჩევნებზე”, – თქვა თინა ბოკუჩავამ სიტყვით გამოსვლისას. 

სიახლეები

უკრაინელების დრონების გამო, სარატოვსა და სამარაში “დაცხა”

უკრაინის შეიარაღებული ძალების სარდლობის განცხადებით, გუშინ, ღამის განმავლობაში, უკრაინულმა დრონებმა წარმატებით შეუტიეს რუსეთის სიღრმეში,...

დობროპოლიეს მიმართულებაზე ოკუპანტები მასობრივად ნებდებიან

დობროპოლიეს მიმართულებაზე რუსი ჯარისკაცები მასობრივად აბარებენ იარაღს და ნებდებიან. დობროპოლიის მიმართულებით უკრაინელებმა ბოლო თვეების...

სამოქალაქო აქტივისტი ნიკა ნარსია დააკავეს

დაკავებულია სამოქალაქო აქტივისტი ნიკა ნარსია. აქტივისტს პროევროპული აქციების დროს გამოწერილი ჯარიმების გადაუხდელობას ედავებიან. იმ დროს...

რუსთავში ნარკოდანაშაულზე ერთი პირი დააკავეს, ამოღებულია დიდი რაოდენობით “ალფა პვპ”

შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა, გატარებული ოპერატიული ღონისძიებებისა და საგამოძიებო...