მესტიაში, სადაც „მესტია ჭალაჰესის“ მშენებლობის საწინააღმდეგოდ აქცია იმართება, შს მინისტრის პირველი მოადგილე კახა საბანაძე ჩავიდა. საბანაძე არსებულ ვითარებას ადგილზე ეცნობა.
ამასთან, აქციის მონაწილეების ინფორმაციით, ადგილზე პოლიციის დამატებითი ძალებია მობილიზებული. მუნიციპალიტეტის ცენტრში "მესტია ჭალაჰესი 1" და მესტია ჭალაჰესი 2-ის" მშენებლობის წინააღმდეგ საპროტესტო აქცია ამ წუთებშიც მიმდინარეობს. აქციის მონაწილეები ტერიტორიაზე სამშენებლო ტექნიკის შეყვანას აპროტესტებენ. აქციის მონაწილეების თქმით, ისინი ტექნიკას არ გაატარებენ და სამუშაოების დაწყებას ყველა გზით შეუშლიან ხელს.