ფშაველი-აბანო-ომალოს გზაზე მაღალი გამავლობის ავტომობილი სიმაღლიდან გადავარდა. შემთხვევას ერთი ადამიანი ემსხვერპლა.
დაშავდა ორი მგზავრი, მათ მრავლობითი დაზიანებები აქვთ. დაშავებულები სასწრაფო დახმარების ჯგუფს თელავის რეფერალურ საავადმყოფოში გადაჰყავს.
თვითმხილველების ინფორმაციით, შემთხვევა თუშეთის გზის 27-ე კილომეტრზე მოხდა. მაღალი გამავლობის ავტომანქანის მძღოლმა საჭე ვერ დაიმორჩილა და მანქანა რამდენიმე მეტრის სიმაღლიდან გადავარდა.