პოლიტიკური პარტია „იმედის“ ხელმძღვანელი ირინა სარიშვილი საქართველოს პრეზიდენტს გიორგი მარგველაშვილს მიმართვას და სთხოვს მოსამართლის მიერ რუსთავი 2-ის საქმესთან დაკავშირებით ბოლოს მიღებულ გადაწყვეტილებაზე საკუთარი პოზიცია დროულად დააფიქსიროს.
ირინა სარიშვილი აზრით, მოსამართლის გადაწყვეტილებამ კონსტიტუცია ხელყო, ამიტომ ის გიორგი მარგველაშვილისგან, როგორც ქვეყნის უზენაესი კანონმდებლობის დაცვის მთავარი გარანტისგან სასწრაფო რეაგირებას ელის.
„სად არის კონსტიტუციის გარანტი – საქართველოს უკაცრავად პასუხია და პრეზიდენტი?
ბატონო პრეზიდენტო!
არა მგონია ამ დღეებში იმაზე ნაკლები მნიშვნელობის მოვლენები ხდებოდეს, ვიდრე თქვენი გამოსახლების მცდელობა იყო პრეზიდენტის სასახლიდან!
თქვენ მაშინ ძალიან ოპერატიულად გააპროტესტეთ თქვენი დამნიშვნელის ეს ახირება (ეს ნამდვილად ახირება იყო) და მეც და ბევრმა ჩემნაირმა მხარი დაგიჭირეთ! არა თქვენ, არამედ კანონს!
სად არის თქვენი მხარდაჭერა არა კონკრეტული ტელევიზიის, თუ ეს გიძნელდებათ, არამედ კონსტიტუციის, რომელიც ხელყო ისევ თქვენმა დამნიშვნელმა და ამჯერად ეს არ იყო ახირება!
ცოტა ოპერატიულად, ბ–ნო გიორგი! პრეზიდენტი გქვიათ მაინც!“- წერს სარიშვილი სოციალურ ქსელში.
შეგახსენებთ, საქართველოს პრეზიდენტის ადმინისტრაციის მიერ გავრცელებული ცნობით, პრეზიდენტი რუსთავი 2 – ის გარშემო განვიტარებულ მოვლენებზე განცხადებას საღამოს გააკეთებს