სწავლა ოფიციალურად არ შეწყვეტილა – ამის შესახებ საქართველოს განათლების, მეცნიერებისა და ახალგაზრდობის სამინისტროში აცხადებენ.
კითხვის ნიშანი მას შემდეგ გაჩნდა, რაც „ტელეგრამში“ გავრცელებულ ინფორმაციასთან დაკავშირებით მშობლების ნაწილი პანიკამ მოიცვა.
„სწავლა ოფიციალურად არ შეწყვეტილა, სკოლებში ყველა საჭირო ღონისძიება ტარდება“,- აცხადებენ უწყებაში.
გუშინ, ტელეგრამ არხებზე, რუსულ ენაზე გავრცელდა ინფორმაცია, რომ 22 აპრილს, თბილისის რამდენიმე სკოლასა და სავაჭრო ცენტრებზე “იგეგმება თავდასხმა”.
სოციალურ ქსელებში გავრცელებული ცნობებით, მშობლები სკოლების ადმინისტრაციებიდან გააფრთხილეს, რომ 22 აპრილს ბავშვები სკოლაში არ გაუშვან.