ოკუპირებულ სევასტოპოლზე მასობრივი სარაკეტო იერიშის შედეგად, განადგურებულია რუსული დიდი სადესანტო ხომალდები “Ямал” და “Азов”, ასევე საკვანძო ცენტრი საზღვაო ძალების შტაბში და რამდენიმე ინფრასტრუქტურული ობიექტი.

ყირიმის ნახევარკუნძულზე უკანონოდ ბაზირებულ ოკუპანტებზე შეტევას უკრაინის საჰაერო ძალების ახალი მეთაური მიკოლა ოლეშჩუკიც ადასტურებს. 

რუსული მხარის მონაცემებით კი, სევასტოპოლზე მასობრივი სარაკეტო შეტევის შედეგად ერთი ადამიანი დაიღუპა და რამდენიმე დაიჭრა. 

Storm Shadow-ს მინიმუმ სამი რაკეტა სევასტოპოლში საზღვაო ფლოტის სამმართველოს საკვანძო შტაბის ტერიტორიაზე “მიფრინდა”, – ინფორმაციას OSINT ავრცელებს და ლოკაციებსაც აქვეყნებს.

ამას გარდა, დასახლება გვარდიისკში, რომელიც ასევე ოკუპირებული ყირიმის ნახევარკუნძულზე მდებარეობს, უკრაინელებმა დრონით, სავარაუდოდ, ნავთობბაზას დაარტყეს.