ზუგდიდის მუნიციპალიტეტის ცენტრალური ბიბლიოთეკის ამერიკულ კუთხეში, გაიმართა შეხვედრა 2023 წლის ათასწლეულის ინოვაციის კონკურსის მთავარი გამარჯვებული გუნდის “Terratech ის “ ზუგდიდელ წევრებთან მეოთხე სკოლის მოსწავლეებმა გიგი გამსახურდიამ და ლუკა კუკავამ მონაწილეობა მიიღეს რობოტი მაღაროელის შექმნაში, რომელმაც გუნდს 2024 წლის ზაფხულში, აშშ-ში, NASA-ს კოსმოსური ცენტრის უნივერსიტეტის საზაფხულო სკოლაში გამგზავრების შესაძლებლობა მოაპოვებინეა . გამარჯვებულმა გუნდმა მაღაროელთათვის უსაფრთხო სამუშაო გარემოს უზრუნველსაყოფის მიზნით შექმნეს მაღალტექნოლოგიური, ჭკვიანი უნიფორმა, მაღაროელი რობოტი, სიცოცხლისთვის საშიში მეთანის სამუშაო გარემოდან გამომდენი ფილტრი. ‘’Terra Tech თბილისის, ზუგდიდისა და სენაკის სკოლების ხუთი მოსწავლისგან დაკომპლექტებული გუნდია. ლუკა და გიგი ახალგაზრდებს ესაუბრნენ ხელოვნური ინტელექტის შესაძლებლობაზე, რობოტიკასა და ინჟინერიაზე. მათ დამსწრე საზოგადოებას გაუზიარეს საკუთარი ცოდნა და გამოცდილება აგრეთვე ნაჩვენები იქნა ვიდეო,რომელიც ასახავს პროექტში მონაწილეობის პერიოდში მიმდინარე სამუშაო პროცესებს.
კონკურსი წელს უკვე მეცხრედ ჩატარდა,რომელიც ათასწლეულის გამოწვევების ფონდის მიერ, აშშ-ის საელჩოს ფინანსური მხარდაჭერითა და განათლებისა და მეცნიერების სამინისტროსთან თანამშრომლობით ტარდება. ახალგაზრდებმა აღნიშნეს რომ მათი პროექტის წარმატებით განხორციელებაში უდიდესი წვლილი მიუძღვნის ზუგდიდის ტექნო პარკს.