მთავარისიახლეებისაზოგადოებამიუნხენის უსაფრთხოების კონფერენციაზე საქართველოს პრემიერის არყოფნა რუსეთმა მოითხოვა- ნაცვლიშვილი

მიუნხენის უსაფრთხოების კონფერენციაზე საქართველოს პრემიერის არყოფნა რუსეთმა მოითხოვა- ნაცვლიშვილი

Published on

„ლელოს“ დეპუტატის, ანა ნაცვლიშვილის განცხადებით, მიუნხენის კონფერენციაზე საქართველოს პრემიერ-მინისტრის არ ყოფნის ერთადერთი ახსნა ისაა, რომ ეს რუსეთს არ სურდა.

ნაცვლიშვილის შეფასებით, მიუნხენის უსაფრთხოების კონფერენციაზე საქართველოს ინტერესების დასაცავად პრემიერი უნდა წასულიყო, განსაკუთრებით იმ ფონზე, რა ვითარებაცაა უკრაინაში, სადაც რუსეთი ომს აწარმოებს.

ძალიან ცუდია, რომ მიუნხენის უსაფრთხოების კონფერენციაზე არ იმყოფებოდა საქართველოს მთავრობა. მაშინ, როდესაც რეგიონში ძალიან სერიოზულადაა შეცვლილი ვითარება, რუსეთის მიერ უკრაინის წინააღმდეგ წარმოებული აგრესიული ომის პირობებში, ეს გაურკვეველია და არანაირი გამართლება არ აქვს, გარდა იმისა, რომ რუსეთის მოთხოვნა იყო საქართველოს პრემიერ -მინისტრი უსაფრთხოების კონფერენციაზე არ ყოფილიყო წარმოდგენილი და საქართველოს უსაფრთხოებისა და ინტერესებისთვის არ ემუშავა. ამას ერთადერთი ახსნა აქვს – ეს არ უნდოდა რუსეთს და მან მოითხოვა, რომ მიუნხენის უსაფრთხოების კონფერენციაზე არ ყოფილიყო პრემიერი წარმოდგენილი. ეს არის სამარცხვინო და ძალიან დამაზიანებელი საქართველოსთვის. ამ ფონზე განსაკუთრებით მნიშვნელოვანია, რომ ქართველი ხალხის ხმა და საქართველოს სახელმწიფო პოზიციები არ დარჩა გაუჟღერებელი და იქ საქართველოს ინტერესებს წარმოადგენდა საქართველოს პრეზიდენტი. რაც შეება მის გზავნილებს, იყო ძალიან მნიშვნელოვანი გზავნილები, იყო შეხვედრები მაღალი დონის გადაწყვეტილების მიმღებ პირებთან.

მივესალმები და მიმაჩნია, რომ სწორია, როცა ზურაბიშვილი მიდის მსგავსი ტიპის საერთაშორისო ღონისძიებებზე და წარმოადგენს საქართველოს. რა საკითხებს დასვამენ სხვა სახელმწიფოების წარმომადგენლები, ეს მათი გადასაწყვეტია”, – განაცხადა ნაცვლიშვილმა.

სიახლეები

სასულიერო პირები მხარდაჭერას უცხადებენ მიტროპოლიტ იობს

“მივესალმები საზოგადოებას - მართლმადიდებელი ეკლესიის მრევლს. მინდა მივმართო იმ საზოგადოებას, რომელიც ეკლესიის მრევლად თვლის...

აფრიკიდან გამოსაგზავნ ბაობაბებზე სასამართლო პროცესი იანვარში გაიმართება

სამხრეთ აფრიკიდან გამოსაგზავნ ბაობაბებზე სასამართლო პროცესი იანვარში გაიმართება - სამხრეთ აფრიკული საგამოძიებო გამოცემის, Daily...

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა

თამარ ბაჩალიაშვილის გარდაცვალების საქმის ხელახალი გამოთხოვნით ოჯახმა გენერალურ პროკურატურასთან აქცია კვლავ განაახლა. ოჯახის წევრები და...

აქციაზე დაკავებულების ოჯახის წევრები ბრიუსელში ჩავიდნენ

"თავისუფლების ხმა ციხიდან ევროპის დედაქალაქში” - აქციებზე დაკავებულების ოჯახის წევრები საქართველოს სხვადასხვა რეგიონში გამართული...