უკრაინის პრეზიდენტმა, ვოლოდიმირ ზელენსკიმ დაადასტურა, რომ ფიქრობს შეიარაღებული ძალების მთავარსარდლის, ვალერი ზალუჟნის შეცვლაზე, ასევე, ზოგადად ქვეყნის ხელმძღვანელობის გადატვირთვაზე. ზელენსკიმ ინტერვიუ იტალიურ მედია RAI-ს მისცა.
მანამდე ზალუჟნის ცვლილებაზე მედიაში ვრცელდებოდა ინფორმაცია.
“ზალუჟნი? ჩვენ გვჭირდება გადატვირთვა, ხელმძღვანელობის შეცვლა და არა მხოლოდ სამხედრო [ხელმძღვანელობის] … გადატვირთვა, ახალი დასაწყისი ნამდვილად არის საჭირო”, – განაცხადა მან.
მისივე თქმით, როდესაც ამ საკითხზე საუბრობს, გულისხმობს მთავრობის ლიდერების მთელი რიგის როტაციას, და არა მხოლოდ ერთ სექტორიში, როგორიცაა სამხედრო – “ეს ეხება ერთზე მეტ ადამიანს და ქვეყნის ხელმძღვანელობის მიმართულებებს”.