საპარლამენტო უმრავლესობის წევრი და მმართველი პარტიის ერთ-ერთი სახე, გია ვოლსკი აცხადებს, რომ ოპოზიციას უნდა, საქართველოში პოლონეთის სცენარი გამეორდეს, როცა მმართველმა პარტიამ ყველაზე მეტი ხმა აიღო, მაგრამ მთავრობას მაინც გაერთიანებული ოპოზიცია აყალიბებს. ვოლსკი ამბობს, რომ ეს საქართველოში არ გამოვა:
“სულ ახლახან პოლონეთში ჩატარდა არჩევნები და რაოდენობრივად გაიმარჯვა კაჩინსკის პარტიამ, რომელიც ხელისუფლებაში იყო, მაგრამ მის წინააღმდეგ გაერთიანებულმა სხვადასხვა პარტიებმა მეტი ხმა აიღეს და ისინი აყალიბებენ მთავრობას. ამ სცენარის გამეორება კი უნდათ ოპონენტებს, მაგრამ ავიწყდებათ რომ ყველანი „ნაცმოძრაობის“ ორბიტაზე არიან და „ნაცმოძრაობის“ მიერ საქართველოსთვის მიყენებული ჭრილობები დღემდე არის შეუხორცებელი“, – განაცხადა ვოლსკიმ.