მთავარისიახლეებიამ კვირაში გვექნება ახალი კონტაქტები შუამავლებთან - ზელენსკი

ამ კვირაში გვექნება ახალი კონტაქტები შუამავლებთან – ზელენსკი

Published on

უკრაინის პრეზიდენტის ვოლოდიმირ ზელენსკის განცხადებით, სამშვიდობო პროცესის შუამავლებთან ახალი კონტაქტები, ასევე საჰაერო თავდაცვის მომარაგების შესახებ ახალი მოლაპარაკებები იგეგმება.

„ამ კვირაში გვექნება ახალი კონტაქტები შუამავლებთან, კერძოდ, საჭირო ნაბიჯებსა და წინადადებებზე. უკრაინა ყოველთვის აქტიურია დიპლომატიაში. იქნება ახალი კონტაქტები საჰაერო თავდაცვის პაკეტებთან დაკავშირებით – ჩვენი სახელმწიფოსა და ჩვენი ხალხის დასაცავად“, – აღნიშნა ზელენსკიმ.

ზელენსკიმ აღნიშნა, რომ კვირას მან მოისმინა პრემიერ-მინისტრ სერგეი კორეცკის მოხსენებები და ასევე ესაუბრა უკრაინის შეიარაღებული ძალების მთავარსარდალს, მიხაილ დრაპატის, უკრაინის ქალაქების დაცვასა და რუსეთის რეაქციასთან დაკავშირებით.

„არსებობს სრულიად ადეკვატური პასუხები; რუსეთის ყველა თავდასხმას ჩვენი პასუხი მოჰყვება. რუსეთის ომს სულ უფრო მეტად იგრძნობენ საკუთარ ქვეყანაში, რუსეთში“, – განაცხადა უკრაინის პრეზიდენტმა.

მან მადლობა გადაუხადა უკრაინის შეიარაღებული ძალებსა და უსაფრთხოების სამსახურს.

„დღეს მადლობას ვუხდი უკრაინის შეიარაღებულ ძალებსა და უსაფრთხოების სამსახურს: რუსეთის ნავთობგადამამუშავებელ ქარხნებზე დარტყმის ოპერაცია გრძელდება – ეს მათთვის ძალიან შესამჩნევია – ასევე იყო დარტყმები რუსეთის საჰაერო თავდაცვის სისტემებსა და რადარულ სადგურებზე, ასევე იყო ჩვენი საპასუხო დარტყმები აზოვისა და შავი ზღვის რეგიონებში რუსეთის ინფრასტრუქტურაზე. ერთადერთი მიზეზი, რის გამოც ეს კვლავ გრძელდება, არის რუსეთის სურვილის არქონა, დაასრულოს ეს ომი“, -დასძინა მან.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...