პრემიერმინისტრის მორიგი თავდასხმა ოპოზიციაზე – ამჯერად დავოსიდან, სადაც ის ეკონომიკური ფორუმის ფარგლებში იმყოფება, ოპონენტებს ქვეყნისა და ხალხის მოწინააღმდეგე ძალასა და “ლუზერებს” უწოდებს.

ღარიბაშვილის თქმით, “ოცნება” ემზადება, რომ 2024 წლის არჩევნებზე მაქსიმალური შედეგი მიიღოს. მან ოპოზიციას “ხელმოცარული”უწოდა და თქვა, რომ ოპონენტებს ხელმოცარული მცდელობები აქვთ.

“დღეს რომ არჩევნები იყოს, ქართული ოცნება მინიმუმ 60%-ს აიღებდა. ჩვენ არჩევნებზე რა თქმა უნდა, არ ვნერვიულობთ. […] მესამე ძალა არ არსებობს დღეს ქვეყანაში, არსებობს ჩვენი პოლიტიკური ძალის და საბოლოო ჯამში, ჩვენი ქვეყნის და ჩვენი ხალხის მოწინააღმდეგე ძალა – ერთიანი ნაციონალური მოძრაობის, ან ახალი ნაციონალური მოძრაობის, როგორიც არის, მაგალითად, ხაზარაძის გაერთიანება ან სხვების, სხვა პატარა ლუზერების, რომლებიც ცდილობენ, რომ გაერთიანდნენ და ამით გადალახონ 5%-იანი ბარიერი”, – თქვა ღარიბაშვილმა.