ერთიანი ნაციონალური მოძრაობა პარლამენტში პრეზიდენტის იმპიჩმენტზე კენჭისყრას არ დაესწრება. გადაწყვეტილება პარტიის პოლიტსაბჭოზე დღეს მიიღეს. ენმ სხვა საპარლამენტო პარტიებსაც მოუწოდებს, არ შევიდნენ სასესიო დარბაზში კენჭისყრის დღეს და გამოირიცხება სპეკულაციები იმასთან დაკავშირებით, დაუჭერს თუ არა ვინმე მხარს ოპოზიციიდან სალომე ზურაბიშვილის გადაყენებას. ცნობისთვის, იმპიჩმენტის კენჭისყრა ფარულია.
შეგახსენებთ, მმართველ გუნდს სალომე ზურაბიშვილის გადასაყენებლად 100 ხმა სჭირდება, რაც ამ დროისთვის არ აქვს. საპარლამენტო ოპოზიციის დიდი ნაწილი ამბობს, რომ იმპიჩმენტს ხმას არ მისცემს.