ის, რასაც ჩვენ საქართველოსგან ველოდებით, არის დაჩქარება და რაც შეიძლება მეტი პროგრესის მიღწევა, – ამის შესახებ საქართველოში ევროკავშირის ელჩმა განაცხადა.
პაველ ჰერჩინსკის თქმით, ევროკავშირი განსაკუთრებით მოელის პროგრესს დეოლიგარქიზაციასთან დაკავშირებით, სასამართლო სისტემის რეფორმასა და მედიის თავისუფლებასთან დაკავშირებით.
ევროკომისიამ თქვა, რომ 12-დან მხოლოდ 3 რეკომენდაცია არის ამ ეტაპზე შესრულებული, ივნისის შემდეგ რამდენიმე თვე გავიდა და გარკვეული პროგრესიც იქნა მიღწეული. ევროკომისიის მომდევნო შეფასებას ჩვენ 1 თვის შემდეგ მოვისმენთ, ჩვენ ველოდებით გაფართოების ანგარიშს. გარკვეულ პუნქტებზე პროგრესი იქნა მიღწეული, რომელი პუნქტებიც ნაწილობრივ შესრულდა, წინ კიდევ რამდენიმე კვირა არის დარჩენილი.
იმედი მაქვს, რომ ძალისხმევას გააძლიერებენ და მიაღწევენ მაქსიმალურ პროგრესს. ჩვენთვის ყველა პრიორიტეტი არის თანაბრად მნიშვნელოვანი მაგრამ თქვენ, ევროკავშირის უმაღლესი წარმომადგენლისგან, ჯოსეფ ბორელისგან მოისმინეთ, რონ ჩვენ განსაკუთრებულ პროგრესს ველოდებით დეოლიგარქიზაციის კუთხით, ეს არის ძალიან კონკრეტული სამოქმედო გევმა, რომელსაც მთავრობამ უნდა მოკიდეოს ხელი, ასევე მნიშვნელოვანია სასამართლოს რეფორმა, მედია თავისუფლება, მნიშვნელოვანია, რომ ყველა ფრონტზე მაქსიმალურ პროგრესს მიაღწიონ, ჯოზეფ ბორელმა, ძალიან ხმამაღლა და მკაფიოდ თქვა, რომ გთხოვთ დაგვეხმარეთ, რომ დაგეხმაროთ. ურსულა ფონ დერ ლაიენმა, საკდმაოდ მკაფუოდ თქვა, რომ უკრაინას, მოლდოვას და დას.ბალკანეთის რამდენიმე ქვეყანას აქვს, კანდიდატის სტატუსი, და რაც შეეხება საქართველოს, მას მიანიჭეს ევროპული პერსპექტივა” -აღნიშნა ელჩმა.