ადვოკატების ინფორმაციით ქუთაისის ნომერ მე-2 სასჯელაღსრულების დაწესებულებაში 50-მდე პატიმარმა თვითდაზიანება მიიყენა. უფლებადამცველების თქმით, ისინი დროულ სამედიცინო დახმარებას, ადმინისტრაციის მხრიდან მეტ ყურადღებას და ამნისტიას მოითხოვენ.
დაუდასტურებელი ინფორმაციით, კიდევ უფრო მეტმა პატიმარმა შიმშილობა გამოაცხადა.
ციხის მიმდებარე ტერიტორიაზე შეინიშნება პოლიციისა და სასწრაფო სამედიცინო მანქანების მოძრაობაც, თუმცა რამდენად უკავშირდება ეს პატიმრების მხრიდან შესაძლო თვითდაზიანებებს, უცნობია.
ციხის ადმინისტრაციაში ადვოკატების გავრცელებულ ინფორმაციას უარყოფენ.