რუსეთის საგამოძიებო კომიტეტი ევგენი პრიგოჟინის დაღუპვას ადასტურებს:
“ტვერის ოლქში მომხდარი ავიაკატასტროფის ყველა მსხვერპლს ჩაუტარდა სამედიცინო-სასამართლო ექსპერტიზა, მათი ვინაობა დადგენილია და შეესაბამება სიას, რომელიც “როსავიაციამ” გამოაქვეყნა”, – ნათქვამია კომიტეტის განცხადებაში.
შეგახსენებთ, ევგენი პრიგოჟინი, მისი მოადგილე დიმიტრი უტკინი, “ვაგნერის” ერთ-ერთი დამფუძნებელი სერგეი ჩეკალოვი და კიდევ 7 ადამიანი (აქედან ეკიპაჟის 3 წევრი) ტვერის ოლქში, პრიგოჟინის კუთვნილი თვითმფრინავის კატასტროფის დროს დაიღუპნენ. წინასწარი ვერსიით, თვითმფრინავს “მიწა-ჰაერი” ტიპის რაკეტა მოხვდა, სხვა ვერსიით კი ასაფეთქებელი მოწყობილობა შასში იყო ჩამაგრებული, ის ჰაერში აფეთქდა და შტოპორზე წავიდა.