გალში, ვარდნილჰესების კასკადის მიმდებარედ, ამ დრომდე ეძებენ 28 წლის გალელი გოგოს, ნათია ბახტაძის ცხედარს.
ნათია ბახტაძე 28 ივლისს, ოჩამჩირელმა, ეთნიკურად აფხაზმა და გავლენიანი მამის შვილმა აინარ ცვიჟბამ მოკლა, როცა მისგან ცოლობაზე უარი მიიღო. ამის შემდეგ, ცვიჟბას ჩვენების თანახმად, მან ნათიას ცხედარი ვარდბილჰესიდან მდინარე ენგურში გადააგდო.
ცხედრის სამძებრო სამუშაოები 8 აგვისტოდან მიმდინარეობს, სამუშაოებში მყვინთავებიც ჩაერთნენ და გეოლოგებიც, თუმცა, ცხედარს ამ დრომდე ვერ მიაკვლიეს.
არსებობს ეჭვი, რომ აინარ ცვიჟბას გარდა, მინიმუმ, დანაშაულის დაფარვაში მონაწილეობდა მამისი და სიძე, ეს უკანასკნელი გალის ე.წ. უშიშროების თანამშრომელია.