სტიქიის მერვე დღე – რაჭაში დაკარგულებს და გარდაცვლილებს ეძებენ. სამაშველო სამსახურის ასობით თანამშრომელი სამძებრო ოპერაციას მთელს პერიმეტრზე ატარებს. მაშველები იმყოფებიან ე.წ. კოტეჯების ტერიტორიაზე, სადაც, სავარუდოდ, მიწის ქვეშ ყველაზე მეტი ადამიანი მოექცა და არიან სოფელ გლოლაშიც, სადაც ცხედრების გამორიყვის შანსი არსებეობს.
მაშველები ტრაგედიის ადგილას აირწინაღებით მუშაობენ, რადგან არსებობს, ინფექციის გავრცელების რისკი.
დილიდან მდინარის კალაპოტიდან ამოღებულია ათობით ავტომობილი და ნივთები, თუმცა დაკარგულები ჯერ ვერ იპოვეს. მიწის ქვეშ ოფიციალური ინფორმაციით, ახლა სულ 12 ადამიანს ეძებენ, მათ შორის არიან მცირეწლოვანი ბავშვებიც.
ბოლო მონაცემებით სტიქიის ადგილას 21 ცხედრია ნაპოვნი.