სამაშველო ოპერაცია განახლდა, საფრენი ამინდია, არ წვიმს, გათენების შემდეგ შოვის თავზე დაფრინავს სასაზღვრო პოლიციის ვერტმფრენი, ამ დროისთვის (07:30) უკვე რამდენიმე წრეზე – შსს იტყობინება, რომ მოქალაქეების ევაკუაციის პროცესი უკვე განახლდა.
პარალელურად მონიტორინგი და სადაზვერვო ფრენებია, ანუ ესეც სამაშველო ოპერაციის ნაწილია – ღვარცოფის ადგილი დაახლოებით სამმეტრიანი ლაფითაა დაფარული, ვერტმფრენები ზემოდან ათვალიერებენ, ხომ არ ჩანან სტიქიის ზონაში ადამიანები.
იმ ორ ვერტმფრენს, რომლებიც უკვე რაჭაში არიან, დღეს კიდევ ორი უნდა დაემატოს.
დილიდან უკვე რამდენიმე რეისი შესრულდა, 80-ზე მეტი ადამიანი გადმოყვანილია უსაფრთხო ზონაში მხოლოდ ამ დილით, ჯამში გუშინ და დღეს – 150-ზე მეტი.
რამდენიმე ათეულ ადამიანთან ისევ ვერ ხერხდება კავშირის დამყარება, უმეტესად მათთან, ვინც კოტეჯების მხარეს იყო, კოტეჯები, ფაქტობრივად, წალეკილია, ის ადგილი ლაფითაა დაფარული.
პრემიერმინისტრი სტიქიის ზონაში უკვე გაემგზავრა, ადგილზე არიან ადგილობრივი და ცენტრალური ხელისუფლების წარმომადგენლები, მუშაობს საგანგებო შტაბი.
–
ვიდეო დილის კადრებით, განახლებული სამაშველო ავიარეისების შესახებ ნახეთ ჩვენს ტელეგრამ-არხზე, ამ ბმულზე