კრივოი როგზე რუსი ოკუპანტების სარაკეტო იერიშის სედეგად დაღუპულთა დაოდენობა ხუთამდე გაიზარდა, დაღუპულთა შორის 54 წლის დედა და 10 წლის შვილიცაა, – ამის შესახებ ინფორმაციას უკრაინის შს მინისტრი ავრცელებს.
დაზარალებულთა რაოდენობამ 40-ს გადააჭარბა, შემთხვევის ადგილზე მაშველები ამ დრომდე მუშაობენ. არსებობს ეჭვი, რომ ათამდე ადამიანი ნანგრვებქვეშაა მოყოლილი, მათგან რამდენია ცოცხალი, ჯერ დაზუსტებული არ არის.
სამაშველო სამუშაოების მიმდინარეობის დროს უკვე დანგრეული კორპუსის კიდფევ ერთი ფასადი ჩამოინგრა, საბედნიეროდ, მაშველებმა მოასწრეს, დროულად გასცლოდნენ ადგილს – არავინ დაზიანებულა.
კრივოი როგზე სარაკეტო იერიში ოკუპანტებმა ღამის საათებში მიიტანეს. ორი რაკეტა საცხოვრებელ კორპუსს მოხვდა.
უკრაინის სამხედრო-საჰაერო ძალების სპიკერი იური იგნატი აცხადებს, რომ დიდი ალბათობით, რუსმა ოკუპანტებმა ბალისტიკური იარაღი გამოიყენეს, თუმცა ეს მხოლოდ მას შემდეგ გახდება დაზუსტებული, როცა ადგილზე ნაპოვნ რაკეტების ნარჩენებს სპეციალისტები შეისწავლიან.