საქართველოში პოლონეთის ელჩი, მარიუშ მაშკიევიჩი საგარეო საქმეთა სამინისტროში დაიბარეს. ის უწყებაში დღეს მივა.
ელჩის დაბარება მას შემდეგ მოხდა, რაც პოლონელმა ექიმებმა მესამე პრეზიდენტი მოინახულეს.
შეგახსენებთ, 12 ივლისს საქართველოში პოლონელი ექიმები ჩამოვიდნენ, რომლებიც “ვივა მედში” რამდენიმე საათის განმავლობაში ეცნობოდნენ მესამე პრეზიდენტის მდგომარეობას.
14 ივლისს კი სპეციალურმა პენიტენციურმა სამსახურმა განაცხადა, რომ სააკაშვილთან შესული ერთ-ერთი პოლონელი ექიმისგან ადგილი ჰქონდა “გაუგებარ ინციდენტს.” კერძოდ, როგორც პენიტენციური ამბობს, სააკაშვილისგან აღებული ნიმუში პოლონელმა ექიმმა გადაახვია ქაღალდში და ფეხსაცმლის მეშვეობით მის მალულად გატანას ცდილობდა.