ამერიკის შეერთებული შტატების პრეზიდენტმა, ჯო ბაიდენმა ხელი მოაწერა განკარგულებას, რომლის თანახმადაც, პენტაგონი ევროპაში 3 000-მდე რეზერვისტს გაგზავნის.

ამჟამად, აშშ-ს ევროპაში 100 000-ზე მეტი სამხედრო მოსამსახურე ჰყავს, ეს რიცხვი უკრაინაში რუსეთის სრულმასშტაბიანი ომის შემდეგ გაიზარდა. ბრძანება Atlantic Resolve-ს განსაზღვრავს, როგორც საგანგებო ოპერაციას, რომელიც რეზერვისტებს იგივე პრივილეგიას ანიჭებს, რასაც მოქმედ სამხედრო მოსამსახურეებს.

“ეს ახალი განკარგულება სარგებელს მოუტანს ჯარებსა და ოჯახებს, უფლებამოსილების გაზრდით და წვდომით სარეზერვო კომპონენტ ძალებთან და პერსონალთან”, – თქვა ოპერაციების გაერთიანებული შტაბის დირექტორმა, გენერალ-ლეიტენანტმა დუგლას სიმსმა.

როგორც სიმსმა აღნიშნა, ადგილზე რეზერვისტების გაგზავნას დაახლოებით 6 თვე დასჭირდება.

CNN წერს რომ, ეს ნაბიჯი თავდაცვის დეპარტამენტს აძლევს კიდევ ერთ შესაძლებლობას, გაგზავნოს მეტი შესაძლებლობები აშშ-ს ევროპული სარდლობის დასახმარებლად.