რუსეთის პრეზიდენტმა ვლადიმერ პუტინმა ხუთშაბათს პირველად აღწერა რა განიხილეს კრემლის ღონისძიებაზე, რომელსაც ესწრებოდა “ვაგნერის” 35 მეთაური, მათ შორის ხელმძღვანელი, ევგენი პრიგოჟინიც. შეხვედრა 29 ივნისს სამხედრო აჯანყების შემდეგ გაიმართა.
პუტინმა თქვა, რომ შეხვედრაზე, ერთი მხრივა, შეაფასა, რაც “ვაგნერმა” გააკეთა ბრძოლის ველზე უკრაინაში, მეორე მხრივ, რაც გააკეთა “24 ივნისის მოვლენების დროს”, ასევე განიხილა დაქირავებული მებრძოლების შემდგომი სამსახურის შესაძლო ვარიანტები.
რუსულმა “კომერსანტმა” პუტინს ჰკითხა, დარჩებოდა თუ არა “ვაგნერი” საბრძოლო შენაერთად.
“ვაგნერი არ არსებობს! ჩვენ არ გვაქვს კანონი კერძო სამხედრო ორგანიზაციების შესახებ! ის უბრალოდ არ არსებობს! ასეთი იურიდიული პირი არ არსებობს”, – თქვა პუტინმა.
ინტერვიუში პუტინმა გაიმეორა, რომ ჯგუდი არსებობს, მაგრამ იურიდიულად არა.
პუტინმა თქვა, რომ მან 35 ვაგნერის მეთაურს შესთავაზა დასაქმების მრავალი ვარიანტი, მათ შორის ერთი მათი უშუალო მეთაურის ხელმძღვანელობით.