უკრაინული მხარის ცნობით, 27 ივნისს საღამოს, კრამატორსკზე რუსული სარაკეტო თავდასხმის შედეგად დაღუპულთა რიცხვი 9-მდე გაიზარდა, მათ შორის სამი ბავშვია. დაშავდა 60 ადამიანი.

ადგილობრივმა საკრებულომ დაადასტურა, რომ დაღუპულებს შორის არიან 14 წლის ტყუპი დები – იულია და ანა აქსენჩენკოები. საკრებულოს მიერ “ტელეგრამზე” გავრცელებულ განცხადებაში ნათქვამია, რომ მათ მე-8 კლასი დაამთავრეს და სექტემბერში 15 წლისები ხდებოდნენ. დაღუპულ მოზარდებს შორის არის კიდევ ერთი 17 წლის გოგო.

ადგილზე სამაშველო ოპერაცია გრძელდება.

ცნობისთვის, 27 ივნისის ღამეს რუსებმა დონეცკის ოლქის ქალაქ კრამატორსკში კვების ობიექტს დაარტყეს. დაჭრილებს შორის 3 უცხოელია.