ვლ. პუტინმა საგანგებო მიმართვა ე.წ. ამბოხებაზე საუბრით დაიწყო და განაცხადა, რომ აჯანყება ჩახშობილი იქნებოდა ნებისმიერ შემთხვევაში.
მან მადლობა გადაუხადა რუსეთის მოქალაქეებს ერთიანობისთვის, ასევე სამხედროებს, რომ იზრუნეს ქვეყნის უსაფრთხოებაზე.
ვლ. პუტინმა მადლობა გადაუხადა “ვაგნერის” მეთაურებსა და მებრძოლებს, თქვა, რომ მათ “ერთადერთი სწორი გადაწყვეტილება მიიღეს” და არ წავიდნენ სისხლისღვრაზე, მაგრამ ისიც დაამატა, რომ ნაწილი გამოიყენეს.
პუტინისვე განცხადებით, პირობა დადებულია და შესრულდება: “ვაგნერის” წევრებს აქვთ არჩევანი: ან გააფორმონ კონტრაქტი თავდაცვის სამინისტროსთან, ან დაბრუნდნენ სახლებში, ან კიდევ წავიდნენ ბელორუსში.
ვლ. პუტინმა მადლობა გადაუხადა ალექსანდრე ლუკაშენკოსაც.
რუსეთის პრეზიდენტის მიმართვა დაახლოებით სამ წუთს გრძელდებოდა.