ბერდიანსკში რუსმა ოკუპანტებმა ორი მოზარდი მოკლეს, რომლებიც პროუკრაინულად იყვნენ განწყობილი და ტერორისტობაში დასდეს ბრალი. ერთ-ერთი მოკლულთაგანი, ტიგრან ოჰანესიანი, 16 წლსა იყო. მისი ბოლო სიტყვები იყო “დიდება უკრაინას!”.
ახალგაზრდა უკრაინელების მოკვლის შესახებ ტელეგრამზე ოკუპანტთა წარმომადგენელმა ვლადისლავ როგოვმა დაწერა.
“დაახლოებით 19:00 საათზე, როცა მოსახლეობა ქალაქის სანაპიროზე ისვენებდა, ორმა ბოევიკმა ავტომატებიდან ცეცხლი გახსნა. სამართალდამცველი ორგანოების წარმომადგენელთა სწორი მოქმედების შედეგად მოხდა მათი ბლოკირება და ტერორისტები გაანადგურეს. გაირკვა, რომ ერთ-ერთი მათგანი ადრე ანტირუსული საქმიანობისთვის დაკავებული ტიგრან ოჰანესიანი იყო”, – წერს როგოვი.
სოციალურ ქსელში კი გავრცელდა ვიდეო, რომელიც ოჰანესიანმა სიკვდილამდე ცოტა ხნით ადრე ჩაწერა, მას შემდეგ, რაც მიხვდა, რომ ალყაში იყვნენ:
“მორჩა, ეს სიკვდილია, მეგობრებო! მშვიდობით, დიდება უკრაინას!”, – ამბობს ის, რის შემდეგაც ვიდეო წყდება.
ზემოთხსენებული ვიდეო მოზარდის ბოლო სიტყვებით, შეგიძლიათ ნახოთ ჩვენს ტელეგრამ-არხზე, ამ ბმულზე (არ დაგავიწყდეთ არხის გამოწერა).