აფხაზეთის დე ფაქტო ხელისუფლების წარმომადგენლებმა ენგურისა და ფახულანის ხიდები ცალმხრივად ჩაკეტეს.
საოკუპაციო რეჟიმის გადაწყვეტილებით, დღეს დილიდან, საქართველოს ცენტრალური ხელისუფლების მიერ კონტროლირებად ტერიტორიაზე ატარებენ მხოლოდ ენგურჰესის თანამშრომლებს, სამედიცინო დახმარების საჭიროების მქონე პირებს და მათ, ვინც ოკუპირებულ ტერიტორიაზე სტუმრად იმყოფებოდა. ადგილობრივებისთვის ხიდი კი ჩაკეტილია.
თუ რა გახდა ხიდის ჩაკეტვის მიზეზი, უცნობია, თუმცა როგორც ადგილობრივები ამბობენ, ეს შესაძლოა რუსეთში მიმდინარე მოვლენებს უკავშირდებოდეს.
ამას გარდა, სასაზღვრო ჯარების მეთაურის გენერალ დბარის გადაწყვეტილებით, სასაზღვრო ძალები სრულ სასბრძოლო მზადყოფნაშია მოყვანილი.