“ვაგნერის” შეფი ევგენი პრიგოჟინი ამბობს, რომ “მთელი ქვეყანა” ეგებება მათ, როგორც გამათავისუფლებლებს”:
“ჩვენ არ გაგვისვრია ერთი ტყვიაც კი, სანამ არ დაიწყეს ჩვენი დაბომბვა, ჯერ არტილერიით, შემდეგ კი ვერტმფრენებით. ჩვენ გზაში არ მოგვიკლავს ერთი სამხედრო ან პოლიციელი, როსტოვში შტაბის შენობა გასროლის გარეშე ავიღეთ. ხალხი დგას ქუჩებში და “ვაგნერის” დროშებს აფრიალებს”, – ამბობს პრიგოჟინი.
შეგახსენებთ, დონის როსტოვისა და ვორონეჟის შემდეგ, პრიგოჟინი და მისი მომხრეები უკვე ლიპეცკის ოლქში არიან, რუსული მედია კი წერს, რომ აქედან მოსკოვამდე სულ 4 საათის გზაა.
მნიშვნელოვანი ამბები რუსეთში სამხედრო გადატრიალების დაწყების შემდეგ:
“ვაგნერის” ხელმძღვანელები მასობრივად უშვებენ როსტოვის ციხეებიდან პატიმრებს , რათა ისინი თავიანთ რიგებში მიიღონ.
დონის როსტოვში მარკეტების დახლები უკვე დაცარიელდა – სურსათი გაქრა.
მოსკოვის ქუჩებში ჯავშანტექნიკა და პოლიცია გადაადგილდება.
ტაგანროგის მხრიდან დონის როსტოვში შესასვლელი გადაკეტილი და დანაღმულია
სერპუხოვოსთან, ხიდზე, ათეულობით რუსი სამხედრო გადასხეს – შეგახსენებთ, აქ თავდაცვის ზღუდეა იმ შემთხვევეისთვის, თუ პრიგოჟინი მოსკოვში შეჭრას გადაწყვეტს.
რუკაზეა სამი ხიდი, სადაც მოსკოვში შესასვლელად მდინარე ოკაზე სამთავრობო ძალები ზღუდეებს ახვედრებენ ვაგნერელებს. აქედან მოსკოვამდე 100 კმ-ია:
