უკრაინის რადას დეპუტატი, ოლექსეი გონჩარენკო ამბობს, რომ არ გაუკვირდება, თუ ევროკავშირის სანქციების მე-11 პაკეტში საქართველოს მთავრობის წევრები და მთთან დაახლოებული ბიზნესმენებიც მოხვდებიან. ასე ეხმაურება ის რუსულ “რიაზე” გამოქვეყნებულ სტატიას, რომლის მიხედვითაც კრემლმა დასავლეთის ეკონომიკური ბლოკადა ლარსის გამშვები პუნქტის დახმარებით გაარღვია.
“რუსეთი ცდილობს დაწესებული სანქციების გვერდის ავალას, ამისთვის ეძებს საშუალებებს და გზებს ჰქონდეს წვდომა ისეთ ტექნოლოგიებთან, რომლებიც ომის წარმოებისთვის სჭირდება და ეს ეკონომიკის კუთხითაც. ნათელია, რომ ასეთ გზას რუსეთი დღევანდელ საქართველოში ხედავს, განსაკუთრებით იმ ხელისუფლების პირობებში, რომელიც დღეს საქართველოს სათავეშია. როცა ვხედავთ, როგორ აღდგა ფრენები რუსეთსა და საქართველოს შორის, გვესმის, რომ ეს ეხება არა მარტო ადამიანების გადაყვანას, არამედ აქ იგულისხმება იმ ტვირთების გაზიდვა, რაც რუსეთს ომისთვის სჭირდება.
ევროკავშირის სანქციების მე-11 პაკეტი სწორედ იმათ ეხება ვინც რუსეთს სანქციების გვერდის ავლაში ეხმარება, არ გამიკვირდება, რომ ამ სიაში საქართველოს მთავრობის წევრები და მათთან დაახლოებული ბიზნესმენებიც ვიხილოთ”, – თქვა გონჩარენკომ.