გასული დღის განმავლობაში, მტერმა კიდევ ერთი სარაკეტო დარტყმა განახორციელა კიევის რეგიონში – ექვსი x-47 Kinjal-ის აერობალისტიკური რაკეტითა და 6 “კალიბრის” ტიპისა ფრთოსანი რაკეტით.
12-ვე რაკეტა განადგურდა უკრაინის შეიარაღებული ძალების საჰაერო ძალების და ჰაერსაწინააღმდეგო თავდაცვის ძალების მიერ.
გარდა ამისა, დღის განმავლობაში მოწინააღმდეგემ 33 საჰაერო დარტყმა განახორციელა და ზალპური ცეცხლის რეაქტიული სისტემებიდან 59 ჭურვი გაისროლა.
სამწუხაროდ, ინფრასტრუქტურის განადგურების გარდა, დაშავდნენ მოქალაქეები.
ზაპოროჟიეს მიმართულებაზე უკრაინელებმა თვითნაკეთი კამიკაძე დრონით რუსი ოკუპანტების УМЗ-ის ტიპის დამნაღმველი უნივერსალური დანადგარი გაანადგურეს.
აღმოსავლეთის ფრონტი- უკრაინელებმა საარტილერიო დარტყმით რუსი ოკუპანტების BTR-82-ის ტიპის მორიგი ჯავშანტრანსპორტიორი გაანადგურეს.
სამხრეთის ფრონტი— რუსი ოკუპანტების ჯგუფს უკრაინელებმა ტანკსაწინააღმდეგო მართვადი რაკეტა მოარტყეს- 2 მათგანი ადგილზე განადგურდა.
სამხრეთის ფრონტზე 21:00 საათისთვის, უკრაინელმა მეზენიტეებმა Ka-52-ის ტიპის დამრტყმელი შვეულმფრენი ჩამოაგდეს.