კახოვკის ჰესის კაშხლის აფეთქების შედეგები საკმაოდ შემაშფოთებელია, თუმცა, წყალსაცავში წყლის დონე ათმეტრიან ნიშნულს უკვე ჩამოსცდა. 

შსს-ს ცნობით, უკვე ცნობილია 6 დაღუპულის შესახებ ხერსონისა და მიკოლაევის ოლქებში. 

წყალქვეშ აღმოჩნდა 46 დასახლებული პუნქტი, აქედან 32 – უკრაინის მიერ კონტროლირებად ტერიტორიაზეა. 

35 ადამიანი, მათ შორის 7 ბავშვი, უგზო-უკვლოდ დაკარგულად ითვლება. 

მიკოლაევის ოლქიდან ევაკუირებულია 982 ადამიანი, მათ შორის 167 ბავშვი, ამ ოლქში 31 დასახლება ჩაიძირა. 

დნეპროპეტროვსკის ოლქში წყალმომარაგება შეწყვეტილი აქვს 162.000 აბონენტს, 34 დასახლებულ პუნქტში. გრძელდება ევაკუაცია და წყლის ჰუმანიტარული მისიით მიწოდება.