ზაპოროჟიეს მიმართულებაზე რუსული არმიის პოზიციები ველიკაიას ნოვოსელკას სამხრეთით- დაახლოებით 20 კმ-იანი სიგანის ზონა რუსი ოკუპანტებისგან უკვე სრულად გაწმენდილია- უკრაინელმა მებრძოლებმა გაათავისუფლეს დასახლებები- ნესკუჩნოე და ნოვოდონეცკოე.
სრული სიჩუმის რეჟიმის მიუხედავად, ცნობილი ხდება, რომ ბოლო ინფორმაციით, უკრაინის არმია ამჟამად წუხელ რუსი ოკუპანტების პოზიციებს ნესკუჩნოეს სამხრეთით- სტოროჟევეესა და ბლაგოდატნოეში უტევდა.
„უკრაინის შეიარაღებულმა ძალებმა მოახერხა რუსი ოკუპანტების თავდაცვის პირველი ხაზის გარღვევა ზოგიერთ მიმართულებაზე“ – წერენ ბრიტანული დაზვერვის ანალიტიკოსები და დასძენენ:
„ბოლო ორი დღის განმავლობაში უკრაინელი ჯარისკაცების მიერ გადაიდგა მნიშვნელოვანი ნაბიჯები ცალკეულ სექტორებში წარმატების მისაღწევად“.
გასული დღე-ღამის განმავლობაში უკრაინელმა მეზენიტეებმა 6 დრონი-კამიკაძე ჩამოაგდეს, ხოლო მწყობრიდან გამოყვანილი და ლიკვიდირებულია დაახლოებით ათასი ოკუპანტი.
“უკრაინის არმია მტრის თავდაცვითი ზღუდეების გარღვევის მიზნით რთულ ტაქტიკურ ოპერაციას ატარებს, თუმცა, რეზერვები სრულად ჯერ არ ჩაურთავს, რუსეთის სამხედრო შენაერთებს კი სულ უფრო და უფრო უჭირთ შეტევების მოგერიება”, – წერენ აშშ ომის შემსწავლელი ინსტიტუტის ანალიტიკოსები.