სემეკში დღეს საჯარო სხდომა გაიმართება,სადაც თელასისა და ენერგო-პრო ჯორჯიას აბონენტებისთვის  სამომხმარებლო ტარიფებთან დაკავშირებით მსჯელობენ. სემეკის წინა სხდომებზე უკვე განიხილეს ის კომპონენტები, რომლის მიხედვით განისაზღვრება დღეს საბოლოო სამომხმარებლო ტარიფები .

 

 ამ წუთებში სემეკის სხდომაზე „თელასის“ წარმომადგენელი კომპანიის დანახარჯებზე ლაპარაკობს, ამის შემდეგ კომისიამ კენჭისყრა უნდა ჩაატაროს და გაირკვევა თუ რამდენით გაუძვირდება დედაქალაქის მოსახლეობას ელექტროენერგიის საფასური. 

 სემეკის დადგენილების პროექტით, „თელასის“ აბონენტებისთვის ელექტროენერგია 1.325 თეთრით გაძვირდება. დღგ-ს ჩათვლით გადასახადი 1.56 თეთრით მოიმატებს.

სხდომაზე დადგენილი ტარიფები ძალაში 2018 წლის 1 იანვრიდან შევა და 2020 წლის 31 დეკემბრის ჩათვლით იმოქმედებს.