მიხეილ სააკაშვილი თანამოაზრეებს სააპელაციო სასამართლოს პროცესზე მისვლისკენ მოუწოდებს

სააპელაციო სასამართლოს სხდომამდე რამდენიმე საათით ადრე მიხეილ სააკაშვილი პეჩორის რაიონული სასამართლოს გადაწყვეტილებას აქვეყნებს. დოკუმენტში ნათქვამია, რომ მიუხედავად იმისა, რომ გენერალური პროკურორი აცხადებდა მიხეილ სააკაშვილის ბრალეულობის მტკიცებულებების არსებობის შესახებ, შუამდგომლობა არ შეიცავს არცერთ დოკუმენტს, რომელიც ეჭვის საფუძვლიანობას ადასტურებს.მიხეილ სააკაშვილი მოსამართლის გადაწყვეტილებას ვიდეო მიმართვით გამოეხმაურა და განაცხადა, რომ ხელისუფლებისთვის ეს გადაწყვეტილება მოულოდნელი იყო. „პეჩორის სასამართლოს მოსამართლე თავის გადაწყვეტილებაში მკაფიოდ ამბობს, რომ ჩემს წინააღმდეგ საქმე არის გაყალბებული, არ არსებობს რეალური მტკიცებულებები და ამ საქმეში ბევრი შეუსაბამობაა. პროკურატურა კი, დავალების შესაბამისად მოქმედებს. ხელისუფლების მიერ კონტროლირებადი სააპელაციო სასამართლოს გადაწყვეტილებით უნდათ შინა პატიმრობა მომისაჯონ. შემდეგ კი, პუტინის დაკვეთით, საქართველოში, „გაზპრომის“ უდიდეს მეწილესა და რუს ოლიგარქთან ჩემი ექსტრადირება მოახდინონ," – აცხადებს მიხეილ სააკაშვილი. "ახალ ძალთა მოძრაობის" ლიდერმა ასევე, თანამოაზრეებს სააპელაციო სასამართლოს პროცესზე მისვლისკენ მოუწოდა. "მინდა მივმართო მომხრეებსა და ყველას, ვისაც ადარდებს უკრაინის ბედი, მე აქ დარჩენა გადავწყვიტე, რადგან უკრაინის მომავლის მჯერა. იმისთვის, რომ ბრძოლის გაგრძელება შევძლო, მინდა რომ სააპელაციო სასამართლოსთან მოხვიდეთ და მხარი დამიჭიროთ," – განაცხადა მიხეილ სააკაშვილმა.

მიხეილ სააკაშვილი თანამოაზრეებს სააპელაციო სასამართლოს პროცესზე მისვლისკენ მოუწოდებს

სიახლეები

ისრაელის საჰაერო ძალებმა ირანში ბირთვული ობიექტს დაარტყეს

ნიკოლ ფაშინიანი – შეშფოთებულები ვართ ევროკავშირსა და საქართველოს შორის ურთიერთობებში არსებული სიტუაციით

გერმანიიდან საქართველოს 60 მოქალაქე დაადეპორტეს

ბრძოლის ველიდან გაქცევას არ ვაპირებ, ვიბრძვით გამარჯვებამდე! – თინა ბოკუჩავა