ახალგაზრდა იურისტთა ასოციაციის თავმჯდომარე ანა ნაცვლიშვილი აცხადებს, რომ მოცემულ ეტაპზე მიხეილ სააკაშვილისათვის მოქალაეობის ცამორთმების პროცესის წამოწყება სამაერთლებრივად სწორი არ არის.
– მოქალაქეობის ჩამორთმევისას უნდა არსებობდეს კონკრეტული სამართლებრივი საფუძვლები, რომლებიც ამ ეტაპზე არა მგონია, რომ სახეზე გვქონდეს.– განაცხადა მან დღეს ჟურნალისტებთან საუბარში – არ ვიცი რა საფუძველს შეიძლება გულისხმობდეს იუსტიციის მინისტრი, მაგრამ მე ვერ ვხედავ, რომ ეს საფუძველი არსებობდეს. თუ პირის მიმართ მიმდინარეობს გამოძიება, ან არსებობს ეჭვები, რომ შეიძლება მონაწილეობდეს რაიმე ფორმით რაიმე დანაშაულში პირიქით, ამ შემთხვევაში ვერ მოხდება მისთვის მოქალაქეობის ჩამორთმევა. არც საფუძვლები ითვალისწინებს ამას. ასეთ შემთხვევაში პირიქით, მოქალაქეობა უნდა შეუნარჩუნდეს პირს და გამოძიება გაგრძელდეს"
შეგახსენებთ, დღეს გამართულ საგანგებო ბრიფინგზე იუსტიციის მინისტრმა თეა წულუკიანმა გააკეთა განცხადება, რომ მიხეილ სააკაშვილისთვის საქართველოს მოქალაქეობის შეწყვეტის პროცედურები დაიწყო..