კრემლის მთავარმა პროპაგანდისტმა ვლადიმირ სოლოვიოვმა განაცხადა, რომ უგლედართან, საარტილერიო ცეცხლის ქვეშ აღმოჩნდა გადამღებ ჯგუფთან ერთად და სიკვდილს სასწაულებრივად გადაურჩა.
რუსული ტელეგრამ-არხები კი წერენ, რომ ჯგუფი სოლოვიოვის მეთაურობით ცეცხლის ხაზზე პირდაპირ გენერალმა გერასიმოვმა გაუშვა.
თავად პროპაგანდისტი წერს, რომ ის უგლედარში რუსეთის საზღვაო ქვეითთა 155-ე ბრიგადასთან ერთად იმყოფებოდა, რის შესახებაც, მისი თქმით, ინფორმაციამ გაჟონა.
“ამის შემდეგ ჩვენზე ნადირობა დაიწყო, სასწაულით გადავრჩით”, – წერს სოლოვიოვი.
თუმცა აქ ისიც უნდა დავამატოთ, რომ “სოლოვიოვზე ნადირობის”, ანუ ინტენსიური ცეცხლის ქვეშ მოხვედრის დამამტკიცებელი ვიდეოკადრები, სოლოვიოვს რატომღაც, არ აღმოაჩნდა.