საქართველოს ნაკრები მსოფლიო ჩემპიონატის ფინალურ ეტაპზეა – ქართველმა კალათბურთელებმა მხოლოდ სამი ქულით წააგო ძალიან დაძაბული შეხვედრა ისლანდიის ნაკრებთან (77:80), რაც იმას ნიშნავს, რომ საქართველო მსოფლიო ჩემპიონატის ფინალურ ეტაპზე იასპარეზებს.
შეხვედრის ბედი ბოლო წამებზე გადაწყდა, როცა ისლანდიელებმა ძალიან ხელსაყრელი პოზიციიდან, მატჩის დასრულებამდე ორი წამით ადრე სამქულიანი ვერ ცააგდეს, ქართველმა კალათბურთელებმა კი ბურთი მოხსნეს და დროის ამოწურვამდე შეინარჩუნეს – მაკფადენის ბოლო ტყორცნა საკუთარი ნახევრიდან ასევე უშედეგო აღმოჩნდა, მაგრამ ამის მიუხედავად, საქართველოს ნაკრებმა ისტორიული მატჩი მისთვის სასარგებლო შედეგით დაასრულა.
შეგახსენებთ, რომ მსოფლიოს ჩემპიონატი კალათბურთში 25 აგვისტოს დაიწყება, რჩეულ 32 ნაკრებ გუნდს შორის კი საქართველოს ნაკრებიც იქნება. კენჭისყრა ჯერ არ გამართულა, შესაბამისად, უცნობია, რომელ ნაკრებ გუნდებთან ერთად მოუწევს ჯგუფში ასპარეზობა საქართველოს ნაკრებს.