რუსი ოკუპანტები ინტენსიურად უტევენ ბახმუტს, ასევე, შეტევები არ წყდება სვატოვოდან ჩრდილო-დასავლეთით, კრემენინას მიმართულებაზე.
როგორც აშშ-ის ომის შემსწავლელი ინსტიტუის ბოლო ცნობებშია აღნიშნული, ბახმუტისა და ავდეევკის მიმართულებაზე ოკუპანტებს მცირედი წინსვლა აქვთ, ხოლო მათი შეტევები დონეცშინის მთელ ფრონტზე გრძელდება.
მტერი აქტიურობს ასევე ზაპოროჟიის მონაკვეთზე. როგორც გენშტაბი იტყობინება, ოკუპანტებმა გასული დღე-ღამის განმავლობაში შეტევები განახორციელეს კუპიანსკის, ლიმანის, ბახმუტის, ავდეევკისა და სახტიორსკის მიმართულებებზე. საერთო ჯამში, უკრაინელებმა, ბოლო 24 საათში 71 შეტევა მოიგერიეს.
ბახმუტის მისადგომებთან უკრაინელთა თავდაცვის ხაზი გადის. ოკუპანტთა შეტევები დაფიქსირდა ორეხოვო-ვასილევკის, ბერხოვკის, იაგოდნოეს, ივანოვსკის, სევერნის მიმართულებებზე. სევერნოე სტავკას (მდინარე) ჯებირი უკრაინელებმა აფეთქეს, რათა ჩრდილოეთიდან მტრის შემოტევის ტემპი დაეგდოთ – სწორედ ამ მიმარტულებით წარმატებულ წინსვლაზე წერენ რუსი ოკუპანტების პროპაგანდისტები. რუსეთის სამხედრო ხელმძღვანელობამ მეტნაკლებად ბრძოლისუნარიანი ნაწილები სწორედ ბახმუტისკენ გადაისროლა. ბრძოლა ქალაქისთვის მის ჩრდილოეთ ნაწილში მიმდინარეობს, მტერი ცდილობს შტურმი მიიტანოს აღმოსავლეთ სანაპიროზეც. რაც სეეხება სამხრეთს, იქ პოზიციები ხელიდან ხელში გადადის.
ავდეევკისა და შახტიორსკის მიმართულებებზე მტრის შეტევები მოგერიებულია ნეველსკის, კრასნოგოროვკის, ავდეევკის, სევერნის, ვოდიანოვოს, მარინკის, ნოვომიხაილოვკისა და უგლედარის პოზიციებზე. მტერმა წინ წაწევა მოახერხა ავდეევკის სამხრეთ-დასავლეთით, პობედის დასახლებისკენ. ამ მიმართულებებზე შეტევების გასაგრძელებლად რუსი ოკუპანტები ახალ ძალებს აგზავნიან.
აშშ-ის ომის შემსწავლელი ინსტიტუტის რუკები საომარი მოქმედებების ზონიდან:
