უკრაინის პრეზიდენტი ვოლოდიმირ ზელენსკი გამოეხმაურა რუსეთ-უკრაინის ომის დაწყეის წლისთავს და აღნიშნა, რომ შარშან ოჯახთან ერთად კიევში იყო, როცა დაურეკეს და უთხრეს, რომ საჰაერო იერიშები დაიწყო. მისი თქმით, უკრაინის შეიარაღებული ძალები ამისთვის მზად იყვნენ.
ვოლოდიმირ ზელენსკის თქმით, მან ცოლს უთხრა, რომ შვილები უნდა გაეღვიძებინა, შემდეგ კი სამთავრობო კვარტალში წავიდა და იმის შემდეგ იქაა.
“24 თებერვალს გავაკეთეთ არჩევანი: არა თეთრი, არამედ ლურჯ-ყვითელი დროშა, არა გაქცევა, არამედ დახვედრა, წინააღმდეგობა და ბრძოლა.
ეს იყო ტკივილის, იმედისა და ერთიანობის წელი. და ეს არის ჩვენი გაუტეხლობის წელი. და დარწმუნებული ვარ, ეს წელი ჩვენი გამარჯვების წელი იქნება!”, – განაცხადა ვოლოდიმირ ზელენსკიმ.