თბილისის სააპელაციო სასამართლოში დავით კეზერაშვილის პროცესი მიმდინარეობს. თავდაცვის ყოფილ მინისტრს და კიდევ ერთ ყოფილ მაღალჩინოსანს მისივე ყოფილი უწყება უფლებამოსილების ბოროტად გამოყენებას ედავება და ამტკიცებს, რომ სახელმწიფოს მისი კონკრეტული ქმედებების შედეგად ფულადი ზიანი მიადგა.
პირველმა ინსტანციამ კეზერაშვილს 5 მლნ ევროს გადახდა დააკისრა, რომელიც თითქოს ფიქტიურ წვრთნებში გაიფლანგა, თუმცა სამხედრო სწავლებები რომ რეალურად ჩატარდა, ეს მასობრივი ინფორმაციის საშუალებებში გასული ვიდომასალითაც დასტურდება.
კეზერაშვილის ადვოკატები აცხადებენ, რომ პოლიტიკური სასამართლოს საბოლოო მიზანი ტელეკომპანია ფორმულასთვის პრობლემების შექმნა და დამოუკიდებელი მედიის გაჩუმებაა, რადგან კეზერაშვილს საქართველოში სხვა აქტივი არ აქვს.
თუ სააპელაციო სასამართლო ტელეკომპანიის დამფუძნებლის წინააღმდეგ გამამტყუნებელ განაჩენს გამოიტანს, შესაძლოა განაჩენის იძულებითი აღსრულება დაიწყოს და ტელეკომპანია დაყადაღდეს, რადგან მოლოდინი, რომ სასამართლო დამოუკიდებელი იქნება და ხელისუფლების დაკვეთას არ შეასრულებს, ტელეკომპანია “ფორმულას” დირექტორსა და ადმინისტრაციას არ აქვს.