ნიკა გვარამიას თავისუფლების მოძრაობა დაფუძნებულია. “მთავარი არხის” დაპატიმრებული გენერალური დირექტორის მეგობრებმა და მხარდამჭერებმა ახალ მოძრაობას საფუძველი რუსთავში იმ საპატიმროსთან ჩაუყარეს, სადაც სასჯელს ნიკა გვარამია იხდის.
ნიკას მეგობრები “რა სად როდის” თამაშებიდან და ნიკას მეგობრები მედიიდან, ყველა პირობას დებს, რომ დღეიდან ხელისუფლების ყველა შტოზე წნეხი გაიზრდება და ვიდრე საბოლოო მიზანს არ მიაღწევენ, არ გაჩერდებიან.
ასევე იქნება კოორდინაცია საერთაშორისო პარტიორებთანაც, რადგან ფიქრობენ, რომ ევროპული რეკომენდაციების სრულად შესრულება წარმოუდგენელია, თუ მედიის მენეჯერებს ხელისუფლება ციხეში გამოკეტავს.
“რა სად როდის” მონაწილეები ამბობენ, რომ მათი ერთ-ერთი პირველი აქტივობა იქნება ის, რომ ისინი სალომე ზურაბიშვილს შეხვდებიან.
“პრეზიდენტთან კომუნიკაცია იქნება ძალიან მნიშვნელოვანი. მე მიმაჩნია, რომ პრეზიდენტზე გარკვეული ძალები ცდილობენ ზეგავლენის მოხდენას და ბულინგს, ჩვენ ასეთი ფორმით არ ვაპირებთ მასთან ურთიერთობას. ჩვენ ვაპირებთან მასთან მოტივაციის კუთხით ურთიერთობას და ვაპირებთ, დავუსაბუთოდ და ავუხსნათ, რომ როდესაც ის აქტიურად უჭერს მხარს ევროპულ გზას, ეს გზა ნიკა გვარამიას გათავისუფლებაზეც გადის”,- ამბობს გედევან ფოფხაძე.