“თუ საქართველოს ევროპული ოჯახის წევრობა არ სურს, ევროკავშირი ამას არ დააძალებს”- ამის შესახებ მთავართან საუბარში “რადიო თავისუფლების” ევროპის ბიუროს რედაქტორი, ჟურნალისტი რიკარდ იოზვიაკი საუბრობს.

ჟოზვიაკი “მთავარ არხთან” საუბარში ამბობს, რომ საქართველოს ხელისუფლების განცხადებებს ბრიუსელსა და სტრასბურგში აუცილებლად მიიღებენ მხედველობაში, მათ შორის გუშინ ევროპარლამენტის მიერ მიღებულ რეზოლუციასთან დაკავშირებით, რომელიც თავისი კრიტიკულობით გამორჩეულია და მსგავსი დოკუმენტები არა დემოკრატიული, არამედ ისეთი ქვეყნების მიმართ მიიღება, როგორიც რუსეთი და ბელარუსია.

“მსგავს კრიტიკულ რეზოლუციებს იღებენ ისეთ ქვეყნებზე, როგორიცაა მაგალითად: რუსეთი და ბელარუსი. თუმცა ბოლო პერიოდში ევროპარლამენტს ასეთი კრიტიკული რეზოლუცია ნამდვილად არცერთ ქვეყანის შესახებ არ მიუღია. საქართველოს ხელისუფლების წარმომადგენლების მხირიდან გაკეთებული განცხადებები ევროპარლამენტარების და ევროკავშირის მისამართით ნიშნავს იმას რომ ისინი არ არინ დაინტერესებულები ევროკავშირით და არ სურთ, რომ ქვეყანა ევროკავშირის წევრი გახდეს. ამას აუცილებლად მიიღებს ბრიუსელი მხედველობაში. ევროკავშირი არავის აძალებს რომ შეუერთდეს მას. საქართველოს ძალიან ნათლად უთხრეს, რომ თუ კანდიდატის სტატუსი სურს, უნდა შეასრულოს რეკომენდაციები, რისთვისაც ვადა სექტემბრამდე აქვს. ხელისუფლებას შეუძლია ამაზე უარი თქვას, მაგარმ საბოლოოდ ვერ უარყოფენ იმას რასაც ევროკავშირი, ევროპული კომისიია და 27 წევრი ქვეყნა გადაწყვეტს”,- ამბობს ჟოზიაკი.

შეგახსენებთ, გუშინ, 15 თებერვალს ევროპარლამენტმა მიიღო რეზოლუცია მიხეილ სააკაშვილის ჯანმრთელობის მდგომარეობასთან დაკავშირებით. რეზოლუციას მხარი 577-მა დეპუტატმა დაუჭირა. ამასთან, ევროპარლამენტმა ევროპის სახალხო პარტიის (EPP) მიერ შემუშავებული შესწორება რეზოლუციაზე, რომელშიც საუბარია ბიძინა ივანიშვილის პერსონალურ სანქციებზე, 362 ხმით მიიღო.