მთავარისიახლეებისაზოგადოებახვიჩა კვარაცხელიამ დაბადების დღე გოლით და მოგებით აღნიშნა

ხვიჩა კვარაცხელიამ დაბადების დღე გოლით და მოგებით აღნიშნა

Published on

„ნაპოლის“ თავდამსხმელმა, ხვიჩა კვარაცხელიამ აუტსაიდერ „კრემონეზეს“ გაუტანა და დაბადების დღე (22 წლის გახდა) იტალიის ჩემპიონატში მშვენიერი თამაშით და მოგებით (3:0) აღნიშნა.

ქართველმა თავდამსხმელმა „ნაპოლის“ ძირითად შემადგენლობაში „სტადიო დიეგო მარადონაზე“ გამართულ 22-ე ტურის დაპირისპირებაში 83 წუთი ითამაშა, ამ დროში კი მოედანზე ერთ-ერთი გამორჩეული იყო.

„კრემონეზეში“ კი ტრავმის გამო ლუკა ლოჩოშვილმა არ ითამაშა და ქართული დერბი არ შედგა. სერია „ა“-ს აუტსაიდერი „ნაპოლის“ დიდ წინააღმდეგობას უწევდა, მაგრამ 22-ე წუთზე ქართველმა ფეხბურთელმა ეფექტური გოლით ნეაპოლელები დააწინაურა. ხვიჩას გატანის შანსი რამდენიმე წუთში კიდევ ჰქონდა, მაგრამ მისი თავური დარტყმა კარს მცირე მანძილით ასცდა.

ტაიმის ბოლოს კვარაცხელია საჯარიმოში წაიქცა და პენალტის დანიშვნას ითხოვდა, მაგრამ არბიტრმა თამაში გააგრძელა, შესვენებაზე კი „ნაპოლი“ მინიმალური უპირატესობით გავიდა 1:0.

„კრემონეზე“ მეორე ტაიმში ცდილობდა, ლიდერთან ანგარიში გაეთანაბრებინა, მაგრამ 66-ე წუთზე საკუთარ კარში მეორე გოლი მიიღო. ვიკტორ ოსიმენმა მიმდინარე სეზონში მე-17 გოლი გაიტანა და „ნაპოლის“ უპირატესობა გაზარდა. 79-ე წუთზე კი ელიფ ელმასმა მესამეც გაიტანა და საბოლოო ანგარიში დააფიქსირა – 3:0.

22 ტურის შემდეგ „ნაპოლი“ 59 ქულით პირველ ადგილზეა და 16 ქულით ასწრებს „ინტერს“, რომელიც ამ ტურში „სამპდორიას“ დაუპირისპირდება.

კვარაცხელიას ანგარშზე სერია „ა“-ში ჩატარებულ 18 შეხვედრაში 9 გოლი და 9 საგოლე გადაცემაა. სულ კი ყველა ტურნირზე უკვე 11 გოლი და 12 საგოლე გადაცემა დაუგროვდა.

სიახლეები

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...

“ბოკუჩავა ჩემს შეცდომას იყენებს” – ჩერგოლეიშვილი

"თინა ბოკუჩავა ჩემს შეცდომას იყენებს" - ამის შესახებ "ფედერალისტების" ლიდერი თამარ ჩერგოლეიშვილი საუბრობს. მისი...

“ვერასდროს ვირწმუნებ გამარჯვების, რომელიც დაცლილია მორალისგან” – ბოკუჩავა ჩერგოლეიშვილის პოსტზე

"ვერასდროს ვირწმუნებ გამარჯვების, რომელიც დაცლილია მორალისგან", - ასე ეხმიანება "ნაციონალური მოძრაობის" თავმჯდომარე თინა ბოკუჩავა...