მესამე პრეზიდენტის ადვოკატის, შალვა ხაჭაპურიძის განცხადებით, მიხეილ სააკაშვილის მდგომარეობა დღეს იმაზე მძიმეა, ვიდრე საზოგადოებამ რამდენიმე დღის წინ გავრცელებულ კადრებში ნახა. ხაჭაპურიძე ამბობს, რომ დღეს წერილობით გადაეცემა საქალაქო სასამართლოს მოსამრთლე, გიორგი არვაძის მიერ გამოტანილი გადაწყვეტილება, რასაც შემდგომ ინსტანციაში გაასაჩივრებენ.
ადვოკატები პენიტენციურის მიერ კადრების გადაცემის მოლოდინშიც არიან.
“გადაწყვეტილება უნდა გადმოგვეცეს ბატონი გიორგი არევაძის, ამას გავასაჩივრებთ სააპელაციო სასამართლოში და პარალელურად ვიფიქრებთ შემდგომ რა ქმედებები და ღონისძიებები უნდა განხორციელდეს. პენიტენციურმა სამსახურმა უარყო სასამართლო პროცესზე სააკაშვილის გულყრის ეპიზოდები და ა.შ. თუმცა ეს კადრები, რომელიც პენიტენციურიდან იქნა გადმოცემული, საზოგადოებამ ნახა, რომ არაერთი გულყრის ეპიზოდი ჰქონდა სააკაშვილს. დანარჩენი კადრები კიდევ გადმოსაცემი აქვთ, მივიღებთ იმედია ამ კვირაში და ამის შემდეგ ვიფიქრებთ, ჯერ შიდა სახელმწიფო რესურსს ამოვწურავთ თავიდან ბოლომდე. მაგაზე უფრო მძიმე მდგომარეობაშია დღეს და ეს კადრებიც, ძალიან მალე, ორ-სამ დღეში გვექნება და ამასაც ვაჩვენებთ საზოგადოებას”, – თქვა ხაჭაპურიძემ.
ცნობისთვის, მოსამართლე გიორგი არევაძემ არ დააკმაყოფილება ადვოკატების შუამდგომლობა მიხეილ სააკაშვილისთვის სასჯელის გადავადების ან სასჯელის მოხდისგან გათავისუფლების შესახებ. უფლებადამცველები ამბობენ, რომ საქმე სტრასბურგში წავა.