კარასინი-აბაშიძის სკანდალური აუდიოჩანაწერის გავრცელების შემდეგ პარტია “ლელო” ზურაბ აბაშიძე განმარტებების გასაკეთებლად პარლამენტში იბარებს. ამის შესახებ ოპოზიციური პარტიის წევრმა სალომე სამადაშვილმა საგანგებო ბრიფინგზე განაცხადა.
“ლელო” მიიჩნევს, რომ საქართველოს ხელისუფლება რუსეთის დავალებებს ზედმიწევნით ასრულებს, ხოლო ყველა იმ პროექტის ჩაშლას ცდილობს, რომელიც საქართველოს ევროინტერგრაციას შეუწყობს ხელს.
ჩვენი მოთხოვნაა, რომ ბატონი აბაშიძის დაბარება მოხდეს სასწრაფოდ საგარეო ურთიერთობების კომიტეტის მოსმენაზე საქართველოს პარლამენტში და მან მიაწოდოს საზოგადოებას სრული ინფორმაცია, რა ახალ პროექტებზეა საუბარი, რა ახალი პროექტების განხორციელებას სთხოვს მას რუსეთის ხელისუფლება მაშინ, როდესაც რუსეთის ხელისუფლების ყველა დავალება, რაც შეეხება იგივე ანაკლიის პორტს, რაც შეეხება ევროკავშირში კანდიდატის სტატუსის მიღების ჩაშლას, ყველა ეს დავალება, ცხადია, სრულდება ზედმიწევნით საქართველოს დღევანდელი ხელისუფლების მხრიდან და უნდა ვიგულისხმოთ, რომ სხვა დავალებებიც, მათ შორის, სატრანსპორტი დერეფნების გაფართოებაც უახლოეს მომავალში დაიწყება ამის განხორციელებაც. ამიტომ, ჩვენ მოვითხოვთ ბატონი აბაშიძის დაბარებას მოსმენაზე საქართველოს პარლამენტში საგარეო კომიტეტის სხდომაზე უახლოეს დღეებში, – განაცხადა სამადაშვილმა.
შეგახსენებთ, რომ გუშნ ტელევიზიების ელექტრონულ მისამართებზე ზურაბ აბაშიძის და გრიგორი კარასინის სკანდალური აუდიოჩანაწერი გაიგზავნა. სკანდლაურ აუდიოფაილში საუბარია როგორ უნდა გაიჭრას გზა საქართველში რუსეთიდან.