მიხეილ სააკაშვილის ადოკატის თქმით, მესამე პრეზიდენტის ექიმის წინააღმდეგ, რომელიც სააკაშვილის გორის ჰოსპიტალშ მკურნალობდა, ამერკელ ადვოკატებს აქვთ მტკიცებულება.
ხაჭაპურიძე ხაზგასმით ამბობს, რომ არავინ არ შევა “სააკაშვილის სიაში” მტკიცებულებების გარეძე.
ადვოკატი ასევე საჯაროდ აცხადებს, რომ ყველაფერს გააკეთებს იმისთვის, რომ მესამე პრეზიდენტი იმ ჯოჯოხეთიდან დაიხსნას და მისი სიცოცხლე გადაარჩინოს.
ექიმები, რომლებიც ამ საქმეში კეთილსინდისიერად იქცეოდნენ, ჩვენ არაერთხელ გადავუხადეთ მადლობა და კიდევ ერთხელ ვუხდით მათ მადლობას. მაგრამ ის ადამიანები, რომლებიც ცუდად იქცეოდნენ, რბილად რომ ვთქვათ, ჩვენ, რა თქმა უნდა, პასუხს გავცემთ.
საჯაროდ მინდა განვაცხადო, ყველაფერს გავაკეთებ იმისთვის, რომ ამ ადამიანის სიცოცხლე გადავარჩინო. მიუხედვად იმისა, რომ ჩემზე დაიწყო თავდასხმები და გაკეთდა რაღაც განცხადებები, ჩემი მოვალეობაა დავიხსნა იმ ჯოჯოხეთიდან, რა ჯოჯოხეთშიც ახლა იმყოფება საქართველოს მესამე პრეზიდენტი. მე ამ ადამიანს გადავარჩენ, დანარჩენი აღარ მაინტერესებს.
სიებზე მუშაობს ამერიკელი მხარე და ამის შესახებ უნდა ჰკითხოთ ამერიკელ ადვოკატებს. ჩვენ, ქართველ ადვოკატებს უბრალოდ გვთხოვენ მტკიცებულებებს. ნინო გოგორიშვილის წინააღმდეგ, რა თქმა უნდა, არსებობს მტკიცებულებები. არც ერთი ადამიანი, ამ სიაში არ შევა, თუ არა იქნება მტკიცებულება, ასეთია ამერიკელი ადვოკატების პოზიცია“, – ამბობს შალვა ხაჭაპურიძე.
ექიმი კი, რომელსაც სააკაშვილის გამო მაგნიტსკიის სიის ქართულ ვარიანტში მოხვედრა და სანქციები ემუქრება, ამბობს, რომ ადგილი აქვს მის დისკრედიტაციას და უსაფუძვლო უწოდა ყველა ბრალდებას, რომელსაც მიხეილ სააკაშვილის დაცვის მხარე აყენებს.
საგანგებოდ გამართულ ბრიფინგზე, რომელიც გორის ჰოსპიტალთან გაიმართა, ნინო გოგორიშვილმა თქვა, რომ ექს პრეზიდენტის მკურნალობა მიმდინარეობდა სამედიცინო კონსილიუმთან შეთანხმებით და არანაირ დარღვევას ადგილი არ ჰქონია.