შიმშილობის მე-9 დღეს “ნაციონალური მოძრაობის” წევრმა ანი წითლიძემ ხელისუფლებას მიმართა და ჰკითხა, რა არის ის პოლიტიკური და ადამიანური ფასი, რომელიც მათ მიხეილ სააკაშვილის სიცოცხლის გადასარჩენად უნდა გადაიხადონ.
მინდა, რომ მივმართო ხელისუფლებას. ეს არის ჩვენი შიმშილობის მე-9 დღე. გვითხრან საჯაროდ, რა არის ის პოლიტიკური და ადამიანური ფასი, რაც ჩვენ უნდა გადავიხადოთ იმისთვის, რომ გადავარჩინოთ პრეზიდენტ სააკაშვილის სიცოცხლე?კირკიტაძის მდგომარეობა იყო იმდენად მძიმე, რომ ჯერ კიდევ გუშინ მას არ აძლევდნენ მას შიმშილობის გაგრძელების რეკომენდაციას ექიმები, ამიტომაც მინდა, რომ მას ჯანმრთელობა ვუსურვო.
რაც შეეხება შიმშილობას ვაგრძელებ და გავაგრძელებ მანამ, სანამ ჩემი ფიზიკური შესაძლებლობა მომცემს ამის საშუალებას, – თქვა ანი წითლიძემ.
შეგახსენებთ, რომ მოშიმშლე დეპუტატებს პირველი აბდულა ისმაელოვის მდგომარეობა დამძიმდა, გუშინ კი შეუძლოდ დავით კირკიტაძე გახდა.
ამ დროისათვის პროტესტს ანი წითლიძე და თემურ ჯანაშია განაგრძობენ.