“ქართულმა სასამართლომ მიხეილ სააკაშვილის გათავისუფლების განხილვა გადადო” – ამ სათაურით გააშუქა საქართველოს მესამე პრეზიდენტის დღევანდელი პროცესი რუსულმა გამოცემა ТАСС-მა.
კრემლის კიდევ ერთი პროპაგანდისტულმა გამოცემა rossaprimavera.ru წერს, რომ მოსამართლემ შემდეგი პროცესი მიზანმიმართულად ჩანიშნა 22 დეკემბერს და არა 21-ში.
„ჩვენ განზრახ არ ვირჩევთ 21-ს. სხვა ინტერპრეტაცია არ მინდა“, – განაცხადა მოსამართლემ, სავარაუდოდ გულისხმობს თარიღს, როდესაც საქართველო აღნიშნავს იოსებ სტალინის დაბადების დღეს” – წერს რუსული გამოცემა.
ამავე გამოცემამ დღევანდელ პროცესს კიდევ ერთი სტატია დაუთმო და გამოაქვეყნა სიახლე სათაურით – “სააკაშვილის გაბრაზებულმა მხარდამჭერებმა სასამართლოს შენობის ეზოში იჩხუბეს”.
სტატიაში ნათქვამია, თითქოს, სასამართლოს ეზოში მიხეილ სააკაშვილის მხარდამჭერები სამართალდამცველებს დაუპირისპირდნენ და პოლიციას სიტუაციის განმუხტვა ამ დრომდე უჭირს.
“აღსანიშნავია, რომ საქართველოში უკვე რამდენიმე თვეა მიმდინარეობს პიარ-კამპანია, რომლის მიხედვითაც თუ სააკაშვილს ციხიდან არ გაათავისუფლებენ, ჯანმრთელობის პრობლემების გამო ნებისმიერ დღეს შეიძლება მოკვდეს. ქვეყანაში ამერიკიდან ჩავიდნენ სპეციალისტები, რომლებმაც შესაბამისი ცნობები შეადგინეს”,- ვკითხულობთ ამავე სტატიაში.
რუსული მედია აქტიურად აშუქებს იუსტიციის მინისტრის გამოსვლას რუსთავი 2-ის ეთერშიც, სადაც ბრეგაძემ დაიმუქრა
“საქართველოს იუსტიციის სამინისტრო სააკაშვილს სიმულაციაში ადანაშაულებს” – წერს გამოცემა ТАСС და ციტირეს ბრეგაძეს: “რა თქმა უნდა, სიმულაციებთან გვაქვს საქმე. ამ შემთხვევაში მე არ ვსაუბრობ ჯანმრთელობის მდგომარეობაზე, მაგრამ არის გარკვეული სიმულაციები. ამის შესაბამისი მტკიცებულებაც არსებობს. მანამდე ჩვენ შეგნებულად ვიკავებდით თავს ასეთი საუბრებისგან, ყოველთვის მოვუწოდებდით მას (სააკაშვილს – აღნიშნავს TASS) დაემორჩილოს ექიმებს, გაიაროს სრულფასოვანი მკურნალობის კურსი“, -თქვა ბრეგაძემ.
რუსულ სტატიაში მთავარი აქცენტი კეთდება იმაზე, რომ საქართველოს იუსტიციის მინისტრი ადანაშაულებს ქვეყნის მესამე პრეზიდენტს იმაში, რომ “სიმულაციების” მიზანია, ციხეს ნებისმიერი საშუალებით აარიდოს თავი და საზღვარგარეთ წავიდეს.
რატი ბრეგაძეზე დაყრდნობით სტატია გამოაქვეყნა “Известия-მ”, რომელიც წერს: საქართველოს ყოფილი პრეზიდენტი მიხეილ სააკაშვილი, რომელიც მკურნალობას კერძო კლინიკაში გადის, მკურნალობის დროს „სიმულაციებს“ იყენებს.
ბრეგაძის განცხადებას ეყრდნობა და ციტირებს კიდევ ერთი რუსული გამოცემა lenta.ru, რომელიც აქვეყნებს სტატიას სათაურით – “საქართველოს ხელისუფლება სააკაშვილს სიმულაციაში ადანაშაულებს”.
კიდევ ერთი გამოცემა, რომელმაც რატი ბრეგაძის განცხადებები გამოაქვეყნა, არის gazeta.ru გამოცემა წერს: “ბრეგაძემ აღნიშნა, რომ სააკაშვილის სავარაუდო კრიტიკული მდგომარეობა სიმულაციებია”. მან აღნიშნა, რომ იუსტიციის სამინისტროს ამის ვიდეო მტკიცებულება აქვს” ,- წერს გამოცემა.