საპატრიარქოს საზოგადოებასთან ურთიერთობის უფროსის, ანდრია ჯაღმაიძის მსგავსად ჭყონდიდის მიტროპოლიტი სტეფანე დედათა მონასტერში მონაზონზე თავდასხმას მედიას აბრალებს.
მეუფე სტეფანეს სიტყვებით, მედია ანტიეკლესიურ განწყობებს ავრცელებს და მონაზონზე ძალადობა სწორედ ამან გამოიწვია.
“როცა საპატრიარქოს საზოგადოებასთან სამსახურმა გამოთქვა სამართლიანი უკმაყოფილება იმაზე, რომ ანტიეკლესიური პროპაგანდის შედეგად, ადამიანებს მოეხსნათ ღვთის წინაშე შიში და ასეთი საქციელის ჩადენა, როგორიცაა მივარდნა სადღაც მონასტერში და იქ ძარცვა და საშინელი ქმედებების ჩადენა, ამის შესაძლებლობა რომ რაღაცნაირად ნებადართული გახდა მასმედიის მიზანმიმართული ანტიეკლესიური პროპაგანდის შედეგად – რა ვინმეს ეჭვი ეპარება, რომ ეს ასეა?! თვითონ ეკლესიაზე ცუდს, რომ ლაპარაკობენ და ეკლესიის წინააღმდეგ განაწყობენ ადამიანებს, ეს არაფერი და თუ ვინმემ თქვა, რომ მასმედია აღვივებს ძალადობის მიმართულებით რაღაც ქმედებებს, გამოხატვის თავისუფლებას უზღუდავ თურმე. ის, რომ თავს გესხმის და ტყუილ-მართალს ერთმანეთში აურევს და შეტევას განახორციელებს და ხალხში ძალადობის განწყობას ქმნის, რომელმაც იმ მონასტერში ძალადობა გამოიწვია, ეს თურმე გამოხატვის თავისუფლებაა
[…]
რომ ყვირიან და დაიწყეს ჩხუბი გამოხატვის თავისუფლება და თავდასხმა კრიტიკულ მედიაზე, ვერ გავიგე რაის კრიტიკული მედიაა, როცა სუფთა პროპაგანდისტი ხარ და ცრუ ინფორმაციას ავრცელებ, როგორც სიმართლეს და ამით გინდა შენ თავი დაცვა იმით, რომ შენ რომ კამერა და მიკროფონი გიკავია, ამის გამო შენ ხარ ღვთაებრივი ძროხა… ძროხა არის რომელსაც სიწმინდედ უნდა მიუდგე და ასეთი ძროხები დარბიან მიკროფონებით და შენ ამათთან მიმართებაში არ უნდა გქონდეს პროტესტი, როცა არასწორად მოქმედებენ”, – თქვა მეუფე სტეფანემ.