„თვითმმართველობის არჩევნების შეფასება და რეალობა“- .როგორია პარტიების პოლიტიკური იდეალების სივრცე და პოლიტიკური ინსტიტუტებისადმი ნდობა საზოგადოებაში. რამ გამოიწვია ოპოზიციის კრიზისი და რა გამოწვევების წინაშე დგას ახლადარჩეული ადგილობრივი ხელისუფლება, ამ საკითხებზე დემოკრატიული ჩართულობის ცენტრში შეხვედრა-დისკუსია გაიმართა. ექსპერტი თვითმმართველობის საკითხებში ირაკლი მელაშვილი ამბობს, რომ მთავარი პრობლემა რაც ზუგდიდის მუნიციპალიტეტს ექნება არის მწირი ბიუჯეტი, რაც შესაძლოა გახდეს იმის მიზეზი, რომ ქალაქისა და სოფლის ინტერესების გათვალისწინება მაქსიმალურად შეუძლებელი გახდეს.რაც შეეხება თვითმმართველობის არჩევნებს, მელაშვილის თქმით, ადგილი ქონდა დარღვევებს და დაფიქსირდა ადმინისტრაციული რესურსის გამოყენების მასიური შემთხვევები. შეხვედრაზე ოპოზიციური პარტიებიდან მხოლოდ „ევროპული საქარველოს“ წევრები იმყოფებოდნენ. ოპოზიციური პარტიის დეპუტატების თქმით, პარტიებს არათანაბარ პირობებში უწევდათ წინასაარჩევნო კამპანიის ჩატარება, შედეგი კი მათი თქმით, სახეზეა- ხელისუფლების ინტერესებში არ შედის თვითთმართველობის გაძლიერება.ექსპერტმა დღეს ასევე ისაუბრა ბიუჯეტის საკრებულოში წარდგენის ვადების დაუცველობაზე, რის გამოც მელაშვილის თქმით, მუნიციპალიტეტები უნებლიე კანონდამრღვევები აღმოჩნდებიან. ბიუჯეტის წარდგენის ვადის გადაცილებას უმრავლესობის წევრი ირაკლი ლაგვილავა სიტუაციიდან გამომდინარედ ხსნის, თუმცა საკრებულოს დეპუტატის თქმით, ეს მოსახლეობის ინტერესებზე ნეგატიურად არ აისახება.ექსპერტმა დღეს ასევე ხაზი გაუსვა იმ გარემოებას, რომ განსხვავებით სხვა მუნიციპალიტეტებისგან ზუგდიდში თემს და ქალაქს ერთობლივად არ უმუშავიათ ბიუჯეტზე, რაც მისი აზრით პროცესს კიდევ უფრო ართულებს.
ბიუჯეტის საკრებულოში წარდგენის ვადების დაუცველობის გამო მუნიციპალიტეტები უნებლიე კანონდამრრვევები აღმოჩნდებიან- ექსპერტი
Published on